En vintro daur-nacianoj portas mantelon, chapon, pantalonon kaj botojn el felo. La chapo estas farita el kapfelo de kapreolo, lupo au vulpo. La chapo havas la harojn ekstere kaj la orelojn kaj kornojn rekte starantajn. La botoj estas faritaj el ledo de kapreolo au bovo. Viroj portas ankau vestojn el tola shtofo. En vintro ili portas ankau vatitan mantelon kaj, se pli froste, aldone veshton el kapreola felo. En somero ili portas maldikan kitelon kaj blankan kaptukon au pajlan chapelon kaj ledajn shuojn. En la pasinteco virinoj portis pelton, kaj post Qing-dinastio ili portis tolajn vestojn. Ilia mantelo sen fendo estis longa kaj largha, kaj la koloro estas blua, nigra au griza. En somero ili portis blankajn shtrumpojn kaj broditajn shuojn. Maljunulinoj shatis porti ekster la mantelo longan au kurtan veshton. La mantelo havas longajn kaj larghajn broditajn manikojn. La desegnoj estis simplaj kaj la koloroj helaj kaj graciaj. Virinoj estas lertaj en brodado de vestoj, shuoj kaj talisako. La hararanghoj kaj ornamoj estas variaj lau la lokoj. En iuj lokoj oni kovras la kapon per blanka tola shtofo au blanka tuko kaj portas orelringojn.