La vestoj de De'ang-nacio havas fortan nacian karakteron. La viroj portas bluan kaj nigran jakon kun larghaj brustumoj kaj lozan kurtan pantalonon. Ili volvas sian kapon per nigra-blanka turbano, kaj che ambau ekstremoj de la turbano estas koloraj lanugaj globetoj. La virinoj portas nigre bluan au nigran kurtan jakon butonumatan en la mezo kaj longan jupon. Ili kovras sian kapon per nigra tolo. Ilia jako estas borderita che ambau flankoj per rugha tolo kaj la 4-5 paroj da butonoj estas faritaj el arghento. La jupo surhavas kolorajn transversajn striojn. Gejunuloj shatas sin ornami per arghentaj kolringo kaj orelpendajhoj.

La plej okulfrapa sur la vestoj de De'ang-nacianoj estas ringforma zono. Kiam knabinoj maturighas, ili ekportas che la talio kelke au ech dekojn da zonoj el liano au zonoj kun antaua duono el liano kaj posta duono el arghenta spiralo. La lianaj zonoj havas diversajn kalibrojn kaj estas rughe, nigre kaj verde farbitaj. Iuj shatas gravuri desegnojn sur la zonoj au tegi ilin per arghenta au aluminia folio. Tiu kutimo estis heredita de prapatroj de la nacio.

Estas mito: Prauloj de la nacio naskighis en kalabaso. Kiam ili eliris, chiuj viroj havis la saman aspekton, dum la virinoj flugadis senorde. La dio donis al la virojn malsamajn aspektojn. Por chesigi la flugadon de la virinoj, la viroj faris el liano ringojn kaj per ili senmovigis la virinojn. La virinoj ne povis flugi plu kaj vole nevole vivis kune kun la viroj. Shajne la nunaj zonoj estis postsigno de la mito. Nun la zonoj farighis gravaj ornamajhoj. La nacianoj opinias, ke ju pli multajn zonojn la knabino portas, des pli sagha kaj kapabla shi estas. Tial la virinoj shatas porti kiel eble plej multajn zonojn. La enamighintaj frauloj faras delikatajn lianajn zonojn kun fajnaj desegnoj de bestoj kaj floroj por donaci al sia amatino.

La lanugaj globetoj sur la vestoj de De'ang-anoj estas freshkoloraj kaj gustoplenaj. Ili kiel ornamajhoj trovighas che ambau ekstremoj de la turbanoj de la viroj, antau la brusto, che la basko de la vestoj de virinoj kaj sur ilia kolringo, sur la orelpendajhoj kaj sur la mantukoj de gejunuloj.