Ghenerale vilaghoj de Derung-nacio estas malgrandaj, iuj el 4-5 familioj, kaj iuj nur el unu familio, kaj la plej granda vilagho havas nur dekkelke da familioj. La vilaghoj distancas unu de alia dekojn au ech cent kilometrojn. En la nordo de la regiono, kie vivas Derung-nacianoj, oni konstruas domon el ligno, kaj en la sudo - el bambuo. Iliaj oblongaj domoj estas konstruitaj sur fostoj kaj la tegmento distancas de la tero 2-3 futojn. La lignaj domoj estas chirkaumurigitaj per stakitaj chevronoj kovritaj per lignaj tabuloj au herboj, kaj interne estas lignaj tabuloj kaj bambuaj plektajhoj. La bambuaj domoj estas chirkaumurigitaj per bambua hegho, supre estas pajlo kaj interne bambuaj matoj. Chu lignaj, chu bambuaj, chiuj havas ene 1-3 fajrujojn. En bambuaj domoj la fajrujoj simetrie situas ambauflanke en la oblonga chambro kaj inter la fajrujoj estas trairejo. En lignaj domoj oni lokas fajrujon en anguloj de la chambro. Ghenerale fajrujo de maljuna generacio situas pli profunde en la chambro kaj tiuj de junaj generacioj - che la pordo. Edzighinte, viroj devas havi fajrujon en la chambro por simboli novan familion. Bambuaj domoj havas du pordojn kaj estas atingeblaj per ligna shtuparo. Lignaj domoj havas nur unu malgrandan pordon rigardantan al la oriento kaj ne havas fenestron. Sub la domo estas stalo.