Derung-oj portas vestojn el kvinkolora felto farita de ili mem. Iliaj haroj libere pendas ghis la brovoj, oreloj kaj shultroj. Ili portas sur la oreloj ringojn au delikatajn bambuajn cilindretojn. La viroj portas oblongan feltan pecon ligitan antau la brusto kaj zonas talion per tola rubando au ramia shnuro. Ili portas mallongan pantalonon kaj chirkauas la kokson per tola peco. La virinoj portas sur la kapo freshkoloran tukon kaj veston el kompare bona kotona shtofo kaj ankau kvinkoloran feltopecon interligitan antau la brusto. Che la talio ili havas ornamajhojn el farbitaj rotangaj ringoj. Derung-oj shatas ornami sin per braceletoj kaj taliaj ringoj el farbitaj rotangaj vergoj. La viroj portas glavon, arbaleston kaj sagujon. La virinoj portas sur la kapo grandan tukon kun grandaj desegnajhoj kaj che la kolo kolieron el vitraj bidoj. Derung-oj estas lertaj en teksado kaj iliaj ramiaj shtofoj kaj fadenaj tapishoj estas delikataj kaj belkoloraj.

La viroj nepre devas porti sagujon en chasado. La sagoj estas venenitaj kaj la sako farita el felo de simio au urso. Tia sagujo estas fortika kaj akvoimuna.

Derung-oj portas tornistron el ramia fadeno. La tornistro havas diversajn grandecojn, kun diametro de 16 ghis 66 cm. Ili portas la tornistron kun rimeno au oblikve sur shultro au sur la frunto.