La nacianoj konstruas sian domon sur montodeklivo. La domo estas chirkauigita per muro el ramita tero, en alto de pli ol 3 metroj. Meze estas korto kaj chambroj sidas en 3 au 4 flankoj de la korto. La domoj estas el adoboj kaj la pordoj, fenestroj, traboj kaj chevronoj estas lignaj.

Kiam la nacianoj konstruas domon, ili volvas la cheftrabon per rugha tolo. Ili bezonas dungi kelke da charpentistoj, sed ili mem kaj iliaj najbaroj, parencoj kaj amikoj plenumas grandan parton de la konstruado. Kiam oni instalas la cheftrabon, la dommastrino volvas kelkajn orajhojn kaj arghentajhojn en rugha tolo kaj pendigas ilin sub la cheftrabo. Kaj ili por chiam restos tie. La chefa chambro, septita en tri chelojn, rigardas al la sudo. Ghi estas meblita pli bone ol la aliaj chambroj. Geavoj loghas en tiu chambro. Iuj kompare bonhavaj familioj vakigas la chambron, kiam la grandaghuloj forpasis, kaj rezervas la chambron por honoraj gastoj. La ceteraj familianoj loghas en simple meblitaj chambroj. En la chambroj estas terlitoj hejtataj tra la tuta jaro pro la malvarma klimato. Fekajhoj de bovo, shafo kaj azeno estas chefa hejtajho. Krome oni burligas ankau herbojn kaj branchetojn. La necesejo situas en angulo post la pordo de la korto au apud stalo, malproksime de la loghejo.