Dongshjang-nacio kredas je islamo kaj havas vivmanieron similan al tiu de Huj-nacianoj en la nordokcidento de Chinio. Ankau iliaj vestoj estas similaj al tiuj de Huj-nacianoj. Iliaj vestoj estas faritaj el nigra, blua au nigre blua tola shtofo. La knabinoj portas rughajn kaj verdajn vestojn. La kolumo kaj antaupeco de la vestoj estas broditaj. La viroj portas mallongan jakon kaj malhelkoloran veshton, kaj ilia pantalono longas ghis la maleolo. En vintro ili portas veston el kapra felo kaj la manikumoj estas borderitaj per largha nigra au rugha tola shtofo. Ili portas ankau brunan lanan veston. La virinoj portas broditajn vestojn kun ronga kolumo, granda antaupeco kaj larghaj manikoj. Iliaj pantalontuboj havas entranchon che la malantaua malsupro, kaj la pantalono surhavas au surkudritan punton au brodajhon. Kutime ili ligas la aperturojn de la pantalontuboj. En festoj ili portas broditajn jupon kaj shuojn. La viroj portas senvizieran nigra-blankan platan chapon. La virinoj portas kufon kun brodajho kaj ekster la hejmo ili devas porti silkan kaptukon. La koloroj de la kaptuko varias lau la agho: Fraulinoj kaj novedzinoj portas verdan kaptukon, mezaghaj virinoj kaj virinoj edzinighintaj antau pli ol 1 jaro portas nigran, kaj maljunulinoj blankan. La kaptuko longas ghis la talio kaj nur la okuloj estas videblaj. Ilia kapornamo konsistas el arghentaj orelringoj, arghentaj braceletoj kaj cheno el agataj bidoj.