Evenkoj vivas nomade en primitiva arbaro pashtante alkojn. Ilia tradicia loghejo estas konusforma tendo kun alto de 3 metroj kaj diametro de 4 metroj. La tendo estas starigita per pinaj trunkoj. La tegajhoj de la tendo shanghighas lau la sezonoj. En somero ili tegmentas la tendon per betula shelo kaj en vintro - ledo de cervo.

Tenejo de la nacianoj estas originala. Ili nudigas du arbojn kaj pendigas inter ili lignan tenejon atingeblan per dika trunko kun segilformaj entranchoj uzata kiel shtuparo. En la tenejo ili konservas manghajhojn, chasajhojn, vestojn kaj instrumentojn. Ili ne shlosas ghin kaj preterpasantoj povas preni ion laubezone, sed poste ili devas redoni.