La vestoj de gaushan-oj ne varias lau alterno de la sezonoj. La materialo de la vestoj estas ramio kaj kotono. La viroj portas skarpon, veshton, mallongan jakon, kaptukon kaj krurvindon. Veshto de viroj en iuj lokoj estas faritaj el shelo de rotango au kokosarbo. La virinoj portas jhaketon kun au sen manikoj, au oblikvan jakon, antautukon, pantalonon au jupon. La virinoj estas lertaj en brodado kaj tinkturado de lina teksajho. Ili ornamas veston per delikataj brodajhoj kaj faras ornamajhojn el konkoj kaj bestaj ostoj. Chu la viroj chu la virinoj, chiuj shatas porti ornamajhojn el konkoj, bestaj dentoj, plumoj, bestaj feloj, floroj, moneroj, bambuaj tubetoj ktp. La viroj portas sur la frunto rubandeton el tolo ornamita per bidoj.

Glavo de Gaushan-nacio

Ghi estas metiajho populara en regiono de la nacio. Ghi havas multajn formojn kaj diversajn longecojn. La tenilo kaj ingo estas tre delikataj. Ghi povas esti kaj instrumento kaj ornamajho de viroj.

Brusta ornamajho de Gaushan-nacio

Ghi havas du formojn. Unu estas rubando el pajlo au tolo ornamita per konkaj bidoj. La alia estas cheno el bidoj faritaj el perlamoto, vitro, koralo k.a. Ghi estas longa kaj suficha por chirkaui la kolon tri fojojn. Tia ornamajho taugas kaj por viroj kaj por virinoj.