Brodita pilko kun historio de pli ol 1000 jaroj estas amatestaĵo de gejunuloj kaj bonaŭguraĵo de Ĝŭang-nacio. Nun ĝi estas ankaŭ Ĝuang-nacia metiartaĵo ŝatata de diverslokaj turistoj.

Preskaŭ ĉiuj familioj en Jingxi-gubernio de la Guangxi-a Ĝŭang-nacia Aŭtonoma Regiono produktas broditajn pilkojn. La broditaj pilkoj havas ĉefe ruĝan, flavan kaj verdan kolorojn. Ili konsistas el 12 facetoj. Sur tiuj facetoj estas broditaj desegnoj de drako, fenikso, pavo, orfiŝo, ambirdo, gruo, krizantemo, peonio, orkideo kaj bondeziraj vortoj. La edroj estas garnitaj per oraj fadenoj.

Irante sur la ŝtonaj vojoj en Jingxi-gubernio, oni povas vidi apartan trajton de la nacio: ĉe pordoj de antikvaj domoj sidas knabinoj brodantaj pilkojn. Antaŭ ili estas ligna tablo kun freŝkoloraj ŝtofpecoj, silkaj strioj kaj fadenoj kaj apude, sur la ligna framo pendas belaj pilkoj por vendi. Tiuj pilkoj faras la antikvajn stratojn pli belaj.

Laŭdire, en la pasinteco, kiam knabino de Ĝŭang-nacio enamiĝis al iu, ŝi faris elegantan pilkon por donaci al la amato kiel amatestaĵon. Nun la broditaj pilkoj jam fariĝis karakterizaj komercaĵoj en tiu loko.