Hani-oj
plejparte loghas en la sudokcidenta parto de Yunnan-provinco kaj
vivas de gren-kulturado sur montregionaj shtuparkampoj. En aparta
vivmedio formighis la hani-a multkolora vesto-kulturo.
Ajni-oj, kiuj vivas en la gubernio Menghai de la subprovinco
Xishuangbanna, estas unu el la sep branchoj de Hani-nacio kaj konsistigas
ch. 8% de la hani-oj. Iliaj vestoj kaj ornamajhoj estas tre distingighaj.
Ili shatas vestojn faritajn el malhele blua shtofo teksita kaj tinkturita
de ili mem. La viroj portas veston dekstre butonatan kun du vicoj
da grandaj arghentaj pecoj kaj nigran turbanon surkape. La virinoj
portas veston dekstre butonatan sen kolumo, mallongan jupon kaj
kolieron el bidoj. Ili shatas chirkauvolvi la krurojn kaj vesti
la kapon per kvadrata chapo kun malgrandaj arghentaj pufoj kaj bidoj.
La knabinoj portas chapon kun bidoj chirkau la rando kaj kun franghoj
pendantaj che la oreloj.
Multas la kapornamajhoj de hani-aj virinoj. En la agho
de 17 jaroj junulino ekportas ornamajhon post la kapo kiel signon,
ke shi rajtas enamighi al junulo; junulino kun tempiaj haroj estas
18-jara kaj povas edzinighi; la ornamajho volvita per nigra tolo
montras, ke shi jam edzinighis.
|