Nigrapantalona Jau estas brancho de Jau-nacio. Gejunuloj
de nigrapantalonaj Jau-oj geedzighas tute libere. Ili ne bezonas
peradon de la gepatroj kaj svatanto. Ilia geedzigho havas tri pashojn:
Korversho tra trueto, decido che fajrujo kaj nokta bonvenigo.
Korversho
tra trueto
Kiam
knabino aghas 14-15 jarojn, shiaj gepatroj devas pretigi por shi
specialan domon, ke la filino loghu sola. Sur la ligna muro, en
loko alta kiel la lito de la knabino, estas trueto dika kiel etfingro.
Se iu junulo shatas shin, li venas nokte al la domo kaj kirle enshovas
tra la trueto bambuan stangeton au lignan bastoneton por veki la
knabinon. Kaj la knabino komprenas, ke venas junulo por peti shian
manon. Shi sin vestas, ellitighas kaj interparolas kun li tra la
trueto. Se la junulo plachas al shi, shi malfermas la pordon kaj
enlasas lin. Shi ardigas la fajron en la fajrujo kaj sidas vidalvide
al la junulo trans la fajrujo por interparolado. Se ili plachas
unu al la alia, ilia interparolado dauras ghis tagigho. Se unu el
ili ne kontentas je la alia, ili sidas mallonge kaj la junulo foriras.
Decido
che fajrujo
Post
interparolado ili rendevuas pli kaj pli ofte. La junulo chiuvespere
venas al la knabino por kolombumi ghis tagigho. Sed lau la regulo
de la nacio, rendevuo absolute ne povas esti subchiela, kaj krome
korpokontakto estas malpermesata.
Kiam ili enamighas pli kaj pli profunde, la junulo donacas
al la amatino silkajn fadenojn, kaj la knabino brodas per tiuj fadenoj
krurzonojn por donaci ilin al la amato. Intershango de tiuj donacoj
konfirmas la decidon de geedzigho.
Nokta
bonvenigo
Geedzigha
ceremonio de nigrapantalona Jau-oj okazas en noktomezo. Ch. la unua
horo noktomeze, la novedzo sola au akompanata de 1-2 kamaradoj iras
al la hejmo de la novedzino kunportante novajn shuojn kaj shtrumpojn.
La novedzino portas novajn vestojn kaj jupon kaj hereditajn kapornamajhojn
kaj venas al la hejmo de la novedzo sekvante lin.
Kiam la novgeedzoj eniras en la hejmon de la novedzo,
kelkaj parencoj de la novedzo kaj junulinoj de lia vilagho venas
en pistan chambron kaj forte pistas en la malplena pistujo. La bruo
de pistado ati vilaghon kaj chiuj scias, ke jam venis la novedzino.
|