Vestoj de kirgizoj

La tradiciaj viraj vestoj de la kirgiza nacio estas chemizo kun ronda kolumo kaj blanka pasamento kaj sur ghi estas senkoluma robo kun nigre borderitaj manikoj. La viroj portas robon ofte zonitan, lozan pantalonon kaj botojn. Ili shatas ringon, oran kaj arghentan ornamajhojn che la zono. La virinoj portas senkoluman, lozan jakon kaj plisitan tubforman jupon kun felo malsupre. Ili portas ankau ledan au tolan veshton.

La virinoj estas lertaj en brodado. Ili shatas brodi rughajn, bluajn au blankajn geometriajn figurojn sur la kolumo, manikoj kaj brusto. Ili estas lertaj ankau en plektado kaj teksado. Ili teksas tapishon kaj tapeton el diverskoloraj kapraj kaj kamelaj lanoj. La de ili plektitaj kurteno, shirmilo kaj ekrano el aknateroj (Achnatherum splendens) kaj tamarikaj branchoj estas tre famaj en la lando. La kapornamajhoj de virinoj estas komplikaj. La virinoj ligas harplektajhojn per katunaj rubandoj kun kelke da arghentaj moneroj che la ekstremoj kaj la du harplektajhaj finoj estas ligitaj per perla cheno. Ili shatas ankau shminkon, jadan braceleton kaj ringon.

La viroj ne shatas lipharojn nek longan kaphararon. Se ili estas solfiloj, ili povas konservi siajn kapharojn ghis 10-jarigho, tamen la hararo devas esti nur ronda au duonronda tufo fronte, poste, dekstre kaj maldekstre de la kapo kaj ech tiaj haroj devas esti razitaj en la agho de 10 jaroj. La geviroj shatas rondan chapon el kordurojo. La viraj chapoj ghenerale estas rughaj kun silkaj kvastoj sur la supro. La kvastoj estas ornamitaj per perloj ks. Vintre ili preferas blankan chapon el felto au ledo kun rando supren volvita kaj fendoj dekstre kaj maldekstre. Junaj kaj mezaghaj virinoj preferas rughan, bluan kaj flavan kaptukojn.