Vivmaniero de la korea nacio de Chinio

de HUABAO

La koreoj de Chinio komencis fari kotonan shtofon en la mezo de la 14-a jarcento. Antau tio la nacianoj faris vestojn chefe el lina kaj silka shtofoj. Kaj la vestado de la nacio estis influita ne nur de Han-nacio, sed ankau de la nacioj manchura, mongola kaj alilandaj. La koreaj viroj portas larghan pantalonon, kio faciligas ilian sidighon sur tero. La virinoj de tiu nacio portas kurtan jakon kaj longan jupon. La chinaj koreoj shatas blankan koloron. De antikve ili abomenis nudigi la kapon kaj multe atentis kapvestojn. Nun ili portas vestojn kaj la tradiciajn kaj la modernajn. En la festaj tagoj ili kutime portas la tradiciajn.

Iliaj popularaj manghajhoj estas pikloj, malvarmaj vermicheloj, bakajho, misoo k.a.

Por fari piklojn ajlo kaj kapsiko estas necesaj. Misoo estas nepre necesa por prepari supon. Granda parto de la nacianoj loghas en montaro kaj tie abundas legomoj. Deantikve la nacianoj lertis en rizkulturado. Ili shatas akran kaj acidan gustojn, sed ne la oleozan. Ili shatas miksi fabojn au bataton en rizajhon. Ili shatas manghajhojn el faruno. Mochio el rizfaruno estas ilia tre shatata manghajho, kaj nur honoraj gastoj povas ghui la frandajhon. La malvarmaj vermicheloj estas tre shatataj de la koreaj nacianoj. Tiu manghajho ests bongusta, apetitveka kaj refreshiga. Ili shatas ankau rizan kolbason. Krome la nacianoj shatas manghi hundajhon.

Koncerne la domkonstruadon, multe shanghighis la strukturo de instalado de iliaj domoj. En 1883 la registaro de Qing-dinastio difinis la areon kun 700 kilometroj en longo kaj 50 kilometroj en largho norde de Tumen-rivero kiel kultivejon ekskluzive por koreaj enmigrintoj. Fiksa loghado ebligis al ili konstrui kompare bonajn domojn kun tegmentoj de diversaj formoj. Ili tegmentas siajn domojn per pajlo au tegolo. En la domoj estas largha terlito kun fumtubo el ligno, adobo au briko. Ekster la domoj estas muelejo, tenejo, brutostalo k.a. En urboj ili vivas same kiel aliaj nacioj ghuante civilizitan materian vivon. Post nelonge malaperos pajlaj domoj.

En Yanbian estas multaj vidindajhoj. La koreoj shatas turismon. En festoj ili piknikas sur monto ludante muzikilojn. La ekskurso ofte finighas per kantado kaj dancado.

La Unua de Junio kaj la Maljunula Tago estas la plej gravaj festoj de la nacio. En la infana tago preskau chiuj familioj vojaghas kunportante infanojn por pasigi la feston en parkoj au kamparo. En la Maljunula Tago ili aranghas sportan konkurson au aliajn aktivadojn. La Maljunula Tago estas la 15-a tago de la 8-a monato lau la luna kalendaro, dum en aliaj lokoj de Chinio oni prenas la 9-an tagon de la 9-an monaton lau la luna kalendaro kiel Maljunulan Tagon. En tiu festo oni shatas ekskursi en antauurbo kaj ghui piknikon.