La chinaj koreoj sin vestas same kiel la hanoj en ordinaraj tagoj kaj iliaj tradiciaj naciaj vestoj estas portataj ghenerale en festotagoj. Ili preferas blankajn vestojn. La koreinoj preferas mallongan veston kun oblikva kolumo kaj longan jupon. Iliaj vestoj sen butonoj estas ligataj per rubandoj. Tiaj vestoj shirmas nur ghis la brusto. La longaj jupoj kun delikataj plisoj che la zono estas lozaj kaj legheraj. Tiaj vestoj ghenerale estas faritaj el silkajhoj flava, blanka kaj palrugha.

La koreaj viroj portas helkolorajn vestojn kun oblikvaj baskoj kaj larghaj manikoj kaj lozajn pantalonojn. Eksterdome ili portas robon zonatan dekstre. La geknaboj portas veston kun manikoj el buntaj toloj, kvazau bela chielarko shvebanta. La koreaj shuoj estas diversaj: getaoj, sandaloj, longformaj kaj shipformaj shuoj el kauchuko k.a.