La vestoj de loba-oj elspiras bravecon de la Loba-nacio. Ili plejparte estas faritaj el fibroj de sovaghaj vegetajhoj kaj bestaj feloj. La viroj portas jakon el kapra felo au tibet-stilan robon el lana teksajho kun nigra shaflana veshto ekstere longa ghis la ventro. Ili portas sur la dorso ankau felon el sovagha bovo, kiu estas ligita al la shultroj per leda rimeno. Ili portas chapelon el ursa felo, kies rando estas plena de hirtaj ursaj haroj, kaj malantaue pendas trapeza ursa felo. Oni diris, ke tia vesto estas grava en chasado porf konfuzi la bestojn.

La virinoj preferas senkoluman kaj mallongmanikan chemizon el lino kaj striktan tubforman jupon kaj krurvindon. Chu viroj, chu virinoj, chiuj shatas ornamajhojn, kiaj braceletoj, orelringoj, arghentaj moneroj, kupraj tintiloj, feraj chenoj, tranchiloj, falchiloj kaj konkoj. Ia ornamajho pezas ech pli ol 5 kilogramojn. Ili shatas kolieron el polurita blua shtono. La plenkreskuloj ghenerale havas plurajn kolierojn kaj en solenaj festoj ili portas dekojn da tiaj kolieroj. Che ilia zono estas konkaj globetoj. La kvanto de la ornamajhoj markas richecon kaj malrichecon de la virinoj.

Chiuj loba-oj, chu viroj chu virinoj, estas nudpiedaj. Ilia longa hararo libere pendas malantau la kapo kaj che la fronto la hararo estas frangh-forma. La loba-oj laudas bravecon kaj forton. Tio montrighas ankau sur iliaj vestoj.