Ambau seksoj de manchur-nacio portis longan cilindran robon kun longaj manikoj. La viroj shatis porti robon kun fendoj ambauflanke kaj zonon che la talio por faciligi rajdadon kaj arkopafadon. La robo el blua, griza kaj nigra shtofoj longis ghis maleolo. La viroj havis harplektajhon sur la okcipito kaj portis duonrondan chapeton kaj tolajn shipformajn shuojn kun du ledaj strioj. Ili portis sur la dikfingro banzhi-ringon (multe pli dika ol kutima fingroringo, uzata por faciligi arkopafadon). La virinoj shatis manchurinan robon, tuberigis la harojn kaj portis orelringojn. Che la talio estis mantuko kaj la shuoj havis altan kalkanumon en la mezo de plandumo. La vestoj de virinoj kutime estas blankaj.

La nacianoj portis du specojn da chapoj respektive por ceremonio kaj chiutaga vivo. La kapornamo de la virinoj shanghighis senchese kaj nobelinoj kutime portis grandan chapon kun multe da silkaj floroj kaj vilaj globetoj.

Nun la viroj ne portas la longan robon, sed la manchurina robo restas furora dank' al senchesa reformado. La nuna manchurina robo havas rektan kolumon, mallarghajn manikojn, dekstre butonumatan subshtofon kaj striktan taliumon. La robo longas ghis la genuo, havas fendojn ambauflanke kaj kompare malstriktan koksomezuron. Che la basko estas ornama brodajho. La manchurina robo povas montri la sveltecon kaj nobelecon de orienta virino. Tial ghi trovas shaton en kaj ekster Chinio.