Viroj de Menba-nacio portas brunan tolan kaj feltan robon malpli longan ol tiu de tibet-nacianoj. Menba-nacianoj shatas fari felton el shaflano. La virinoj shatas havi shafledon au bovidledon sur la dorso por gardi la dorson kontrau pezajhoj kaj troa humideco, kaj ornamas sin per braceletoj, fingroringoj kaj diversaj gemaj pendajhoj. La internaj vestoj de virinoj estas faritaj el silko de arba silkraupo kaj riche kolorigitaj. Iliaj vestoj ne havas butonojn, nek kolumon. Ankau la jako el rugha kaj nigra felto ne havas butonojn kaj kolumon. Antau la brusto pendas metala feticho-skatoleto, en kiu ili konservas budhostatuon kaj sutrojn. La nacianoj kredas je lamaismo. Ambau seksoj de la nacio volvas la talion per 2-metra rubando el rugha felto kaj la viroj portas sabron che la talio.

Ambau seksoj de Menba-nacio portas saman chapon el blua au nigra felto. La malsupra parto de la chapo estas farita el rugha felto, kaj la kuspita rando estas garnita per bruneta au blua tolo, sed ie estas entrancho. La viroj portas chapon kun la entrancho super la dekstra okulo, dum la virinoj portas chapon kun la entrancho che okcipito. Nacianoj en iuj lokoj portas chapon en formo de kasko kun plumo de pavo. Malsupre de la rando estas kvastoj. Parto de la nacianoj portas molajn botojn, kaj en iuj aliaj lokoj oni nenion portas sur la piedoj. Chu viroj chu virinoj de la nacio portas kupran au arghentan braceleton.