Chinaj mongol-nacianoj vivas chefe en la Autonoma Regiono de Interna Mongolio. La nupto de la nacio plene manifestas ghian diligentecon, bravecon, kantemon kaj dancemon.

En la okcidenta parto de la regiono oni eskortas novedzinon per chevalo kaj la nupto estas plena de nomadaj karakrerizajhoj. Kaj la plej vigla kaj plej konservativa estas nupto de Ordoso. En la nupta tago en la hejmoj de la novgeedzoj kolektighas multaj gastoj. La bonveniganta grupo konsistas el la novedzo, lia intima amiko kaj liaj familianoj. La novedzo portas pafarkon kaj sagojn. Liaj parencoj kaj amikoj kantante adiauas la grupon che la pordo. Kiam la grupo atingas la hejmon de la novedzino, ghi devas chirkauiri la jurton de shia familio antau ol descendi de la chevalo. Shia akompanantino baras la vojon per blanka felto kaj kantante faras diversajn demandojn, kaj la grupanoj de la novedzo devas respondi chiujn demandojn. Kiam la respondoj de la grupo kontentigas la demandanton, la novedzino prezentas donacon kaj la akompanantino forigas la felton kaj invitas la gastojn en la jurton por abunda festeno ekskluzive el shafajhoj. En kantado la novedzo prezentas al la bopatro hada-on (longa rubando el blanka silko) en esprimo de respekto. Dume la novedzino sin ornamas en alia jurto.

Post festeno la novedzino iras al la hejmo de la novedzo kaj shiaj familianoj kantante adiauas shin. Kiam la bonveniganta grupo atingas la hejmon de la novedzo, oni jam faras du bivakfajrojn, kaj la novedzino devas trapasi inter la du bivakfajroj helpate de vipo etendita de la novedzo en alia flanko. Tio signifas, ke ilia amo estos arda kiel fajro kaj neniam estingighos.

Kiam la novgeedzoj eniras en jurton, oni levas la rughan kaptukon sur la kapo de la novedzino kaj shi riverencas al la bogepatroj kaj aliaj parencoj de malpli juna generacio. La novedzino tenas platon kun arghentaj vintasoj kaj la novedzo vershas en ilin vinon. La gastoj devas eltrinki per unu tiro kaj esprimas bondezirojn al la novgeedzoj. Post tio estas abunda festeno, gaja kantado kaj dancado.