Chinaj mongoloj loghas chefe en la Autonoma Regiono de Interna Mongolio en norda Chinio. Ili vivtenas sin per pashtado. La vestoj de mongoloj okulfrapas per la kontrasto de koloroj kaj efektoj. De centoj da jaroj iliaj vestoj estas famaj pro siaj specialaj fasono kaj delikata kudro. Ghenerale, la mongoloj portas longan robon kun manikoj longaj kaj larghaj, kaj kolumo alta. La vira robo estas blua, malhelkolora, dum la virina ---strikta, pimpa, helkolora kun felaj ornamajhoj au koluma kaj manika borderoj el brodita silkajho, sube ne estas fendoj. Kiam la viroj faras zonadon, ili ofte iom supren tiras la robon por faciligi la rajdadon, dum virinoj tiras ghin iom malsupren por montri sian sveltecon. Ili shatas zonon el rugha au verda silkajho.

Belas iliaj kapornamajhoj el agato, koralo, jado au arghento. Mongoloj havas botojn ledajn, feltajn au tolajn kun delikataj desegnoj. Sur la luktejo, viroj portas vestojn kun desegno de drakoj kaj feniksoj, kiuj simbolas felichon.

Tiuj vestoj montras la tradician kulturon de la mongola nacio kun longa historio. Ech en la nuna tempo ili distingighas inter la mondaj kostumoj per sia originala charmo.