En la antikveco ambau seksoj de Nashi-nacio portis shafledon au feltan jakon. En la lastaj dekoj da jaroj la nacio havis pli kaj pli oftan kontakton kun Han- kaj Tibet-nacioj en ekonomio kaj kulturo. Antau 50 jaroj la vestado de la nacio multe shanghighis. Vestoj de la viroj en Lijiang-regiono estas preskau samaj kiel tiuj de Han-nacio, dum la virinoj portas kitelon kun largha taliumo kaj lozaj manikoj. La antaupeco estas mallonga, sed la dorsopeco longas ghis tibio. Ekster kitelo estas veshto. Ili portas plisitan antautukon, broditajn shipformajn shuojn kaj shafledan shalon. Sur la dorsa flanko de la shalo estas 7 rondaj tolaj cirkloj en vico (pli frue che la shultrumoj estis du grandaj tolaj cirkloj en signo de la suno kaj luno) kaj 7 paroj da kvastoj. Sur la cirkloj estas brodajhoj el oraj kaj diverskoloraj silkaj fadenoj. Edzinighintaj virinoj tuberigas la harojn sur la verto kaj portas rondan gazan tukon. Fraulinoj plektas la harojn post la okcipito kaj portas tukon au chapeton el nigra veluro. La virinoj shatas porti orelringojn, fingroringojn, arghentan au jadan braceleton k.a. ornamajhojn. La vestoj estas bluaj, blankaj kaj nigraj, kun malmultaj brodajhoj. Ankau viroj havas la kutimon porti braceleton.