Primi-nacianoj kutime konstruas sian domon sur modera montodeklivo. La arkitekturo de la domo similas al tiu de Baj-nacio, nome domo kun chambroj en tri flankoj kaj korto en la mezo. La chefa chambro longas 6.5 metrojn kaj profundas 3 metrojn. En la kvar anguloj staras kolonoj kaj meze de la chambro staras dika fosto, kiun la nacianoj rigardas kiel sidejon de dio. La duklina tegmento estas kovrita de tegoloj kaj lignaj tabuloj. La muro estas farita el trunkoj. La domo kutime havas 2 etaghojn. La supra etagho servas al homoj kaj la teretagho estas uzata kiel stalo au tenejo. Dekstre de la chefa chambro estas ligna planko kaj fajrujo. Malantau la fajrujo estas nicho. Chirkaue de la fajrujo estas matracoj. Tie la familianoj manghas, dormas, kunsidas, kultas kaj akceptas gastojn. Maldekstre de la chefa chambro estas kuirejo, kaj che la pordo pendas kranioj de bovo kaj shafo, kiuj esprimas la deziron por prospero de brutobredado.