La vestoj de Shibe-nacio estis similaj al tiuj de manchuroj. La viroj portis bluan, brunan au grizan kitelon kun fendoj che ambau flankoj, mallongan nigran jhaketon, chapon en duonsfera formo kaj shuojn kun dika plandumo. Junaj virinoj portis freshkoloran robon, pantalonon ligitan malsupre, blankajn tolajn shtrumpojn kaj broditajn shuojn. Knabinoj havis harplektajhon che la okcipito, kaj la edzinighintaj virinoj havis du harplektajhojn tuberigitajn sur la verto. Maljunaj virinoj portis robon en koloroj samaj kiel tiuj de viroj kaj shatis porti nigra-blankan kaptukon. En vintro ili portis vatitan chapon. La virinoj shatis porti orelringojn, arghentajn braceletojn kaj fingroringon, kaj ilia hartubero estis ornamita per arghentaj pingloj kaj silkaj floroj. Nun la vestoj de la nacio estas preskau tute similaj al tiuj de Han-nacio.