Ŝuj-nacio en nombro de 340 mil loĝas ĉefe en la Sandu-a Ŝuj-nacia Aŭtonoma Gubernio, sude de la montaro Miaoling en la provinco Guizhou. Ĝi havas sian propran lingvon. Antaŭe la nacio havis antikvan ideografion, nomatan Ŝuj-skriblingvo. En la ideografio estis hieroglifoj, kaj parto de ili estis inversitaj han-naciaj ideogramoj. Nur ĉirkaŭ 100 vortoj estas uzataj nur en religia agado. La nacianoj kutime uzas la han-nacian lingvon.

La membroj de la nacio loĝas en subtropika zono, kie la klimato estas pluvoza kaj malseka. Iliaj domoj estas konstruitaj el ligno de abio kaj pino, staras sur fostoj, kio gardas la loĝantojn kontraŭ malsekeco kaj atako de rabobestoj.

Domoj de la ŝujoj kutime havas tri etaĝojn. En la malsupra etaĝo oni bredas brutojn, faras hejmlaborojn aŭ konservas objektojn. Iuj prenas tiun ĉi etaĝon kiel kuirejon. La meza etaĝo servas kiel loĝejo. Centre de la meza etaĝo estas sidoĉambro, plej granda el la aliaj ĉambroj. La aliaj ĉambroj estas por familiestroj kaj la unua filo. En iu el tiuj ĉambroj oni instalas fajrujon. La tria etaĝo estas grentenejo. Se oni ne havas la trian etaĝon, greno konservata en la dua etaĝo.

Inter la loĝdomoj de la nacianoj ne ekzistas kortoj. Tio ege grandigas la konstruan spacon. Konstruante domon, unue oni kontentigas la bazan bezonon laŭ la ekonomia kondiĉo, kaj samtempe rezervas sufiĉan spacon por plivastigo de la domo en la estonteco. Oni povas klare vidi la disvolvon de la familio pere de noveco kaj malnoveco de la aspekto de la konstruaĵo.

La vilaĝoj de la nacio estas loĝataj de samsangaj grupoj, tial ĝenerale la vilaĝanoj havas la saman familian nomon.