Karakterizaj domoj de Tibet-nacianoj estas konstruitaj el ligno kaj shtonoj. La domoj estas fortikaj kaj havas aspekton de antikveco kaj krudeco. La domoj havas 2 etaghojn. La supra estas septita en plurajn chelojn, el kiuj la grandaj servas kiel sidochambro, dormochambro kaj kuirejo, kaj la malgrandaj por tenejo au shtuparejo. Se estas tria etagho, tie estas preghejo kaj sunumejo.

La nacianoj loghas ankau en tendo, konforme al ilia nomadisma vivo. Ordinara tendo estas malalta, kvadrata au oblonga, subtenata de ligna framo en alto de 2 metroj. La tendo estas kovrita per felto el nigraj poefagaj haroj kaj en la mezo de la felto estas fendo kun longo de 1.5 metroj kaj largho de 0.15 metro, por enlasi lumon kaj aeron. La tendo estas firme fiksita sur tero. Interne che la malsupro de la tendo estas mureto en alto de duonmetro, kiun oni masonis el argilaj buloj, adoboj kaj rulshtonoj. Sur la mureto oni konservas sekalon, buteron kaj sekigitan bovfekon (kiel brulajho). La tendo estas simple meblita. En la mezo iom pli proksime al la pordo estas fajrujo. Malantau la fajrujo estas kultata budhostatuo. Chirkaue de la fajrujo sternighas shaffeloj kiel kusenoj. Tia tendo estas facile muntebla kaj transportebla.

En konstruado de loghdomoj Tibet-nacianoj tre akcentas la funkcion de la domo kontrau frosto, ventego kaj tertremo. Ili faras sur la domo aeruman truon, lukon kaj aershakton por forigi la malbonan influon de klimato kaj geografio al la produktado kaj chiutaga vivo.

Tibet-nacianoj chiuj havas en sia domo lokon por kulti budhon.

Fotoj