../images/002.gif
 
Manghajhoj de Tibet-nacianoj

Granda parto de Tibet-nacianoj prenas manghon tri fojojn chiutage, kaj en sezono de intensa kamplaboro 4, 5 au 6 fojojn. Ilia chefa manghajho estas faruno el rostitaj grajnoj de sekalo. La aldonajhoj estas forta teo, lakta teo, butero, lakta fecho kaj sukero. La faruno estas oportuna por kunportado. Oni povas manghi ghin en ajna tempo.

Tibet-nacianoj en Sichuan-provinco ofte manghas arakidsimilajn fruktojn de pterido kolektitajn en printempo kaj autuno. Ili shatas manghi dolchan farunajhon frititan en butero kaj kachon el tritiko, sekalo, bovajho kaj bovosto. Tibet-nacianoj en Qinghai- kaj Gansu-provincoj shatas farunajhon kun butero, bruna sukero kaj lakta fecho faritan en formo de granda torto. Tibet-nacianoj en Qinghai-provinco ofte manghas farunan macon kuiritan en bolanta akvo kaj miksitan kun butero. En Nagqu de Tibeto oni faras flanon en pezo de 2.5 kaj ech 100 kilogramoj. Tian flanon oni prenas kiel donacon au nutrajhon dum longa vojagho. En Deqen de Yunnan-provinco la nacianoj manghas chefe terpomon, sekalan bulon kaj vaporumitan farunajhon.

La nacianoj malmulte manghas legomojn kaj la chefaj manghajhoj estas bovajho, shafajho kaj porkajho. Post bucho de bruto ili kuiras sur arda fajro viandon en granda peco. Ili distranchas la kuiritan viandon en granda plado. Ili faras kolbasojn el viando dispecigita kaj sango de bovo kaj shafo. Tibet-nacianoj en Sichuan- kaj Yunnan-provincoj peklas viandon por konservi. Oni fortranchas la kapon kaj piedojn, elprenas la ostojn, shmiras per spicajhoj kaj salo kaj formigas la viandon en kubo. En Yunnan oni premas la viandon per shtono. Por manghi la viandon oni detranchas pecon kaj vaporumas ghin. Oni buchas brutojn en vintro kaj tranchas la restan viandon en grandajn pecojn kaj sekigas ilin en aero. Tia viando estas longe konservebla kaj la gusto chiam fresha.

Lakto kaj laktajho estas nemalhaveblaj por Tibet-nacianoj. Oni eltiras kremon el lakto de bovo kaj shafo. Oni faras ankau jahurton, kazeon kaj laktan fechon. Chiuj nacianoj sen distingo de sekso kaj agho prenas buteran kaj laktan teon. En festoj oni trinkas sekalan vinon.

Kuiriloj de Tibet-nacianoj havas propran stilon. Chiuj familioj havas butertean sitelon kaj laktatean kruchon. En multaj lokoj Tibet-nacianoj hejtas per bovfekajho kaj metas poton sur ferstangan tripiedon. En Yunnan Tibet-nacianoj faras servicon el kupro. En aliaj lokoj ili shatas uzi lignan bovlon rughe, flave kaj oranghe lakitan. Iuj shatas tegi bovlon per arghento. La nacianoj kunportas delikatan tranchilon por tranchi manghajhojn au buchi brutojn kaj senhautigi ilin. La tranchilo estas uzata ankau en preparado de kojnoj por starigo de tendo.