Vestoj de la nacio montras originalan nacian stilon. La junaj kaj mezaghaj viroj portas feltan chapon borderitan per kotona shtofo, longan kitelon kun malgranda kolumo, oblikva fendo sur antaupeco, manikoj kun nigra rando che la manikumo kaj kolora desegnita peco en grandeco de 4 coloj sur la brusto. Sub la kitelo estas mallonga blanka jako kun alta brodita kolumo kaj sur la jako estas nigra au purpura veshto. Ili portas longan broditan zonon kaj pantalonon kun larghaj tuboj. La pantalona zono estas brodita che ambau ekstremoj. Ili portas ankau antautukon kaj la kruroj estas vinditaj per rubando nigra che la supro kaj blanka che la malsupro. La maljunuloj kutime portas nigran feltan chapon kun kuspita rando kaj kitelon kun malgranda kolumo kaj oblikva antaupeco. Sur la kitelo estas nigra veshto kaj nigra zono. Ili portas blankajn shtrumpojn kaj nigrajn shuojn. La virinoj portas chapon kaj la harplektajhoj ornamitaj per bronzaj moneroj kunligitaj per rugha kotona fadeno pendas malantau la okcipito. Grandaj arghentaj kaj kupraj ringoj pendas sur la oreloj. Ilia vesto en multaj koloroj estas zonita per largha rubando. Ili portas kitelon kun malgranda kolumo, manikoj kun alkudritaj cirkloj nigra, flava, blua, purpura kaj nigra. Sur la kitelo estas veshto kun garnajho nigra, purpura au blua. La zono estas multkolora kaj ambau ekstremoj estas broditaj je floroj, birdetoj, abeloj, papilioj, nuboflokoj au algebraj desegnoj. Ili portas plisitan karmezinan jupon kaj broditajn shuojn. Maljunaj virinoj ne portas multkolorajn vestojn nek multkoloran rubandon. Fraulinoj havas po unu harplektajhon che la tempioj iom pli dikan en la mezo. La tri harplektajhoj estas kunigitaj che la okcipito, ligitaj per karmezina fadeno kaj alte tuberigita kun multaj ornamajhoj.