Tradiciaj loghdomoj de Tughjia-nacio dividighas chefe en kvar kategoriojn: pajla, brika, ligna kaj palafita. Malmultaj domoj estas shtonaj au kavernaj.

    La domo de la nacianoj konsistas el tri partoj: Chefa chambro, flanka( j ) chambro( j ) kaj subalero. La chefa chambro estas septita en tri chelojn, kaj che ghiaj ambau flankoj estas po unu flanka chambro. Malantau la chefa chambro estas subalero. Domoj de bonhavaj familioj havas chambrojn en kvar flankoj kaj korton en la mezo.

    Domo en palafita formo estas ligna konstruajho, chefa formo de loghdomoj de la nacio. La domoj de la nacianoj havas 1 chefan chambron kaj 1 au 2 flankajn chambrojn, kaj la flanka( j ) chambro( j ) estas palafita( j ) sur dekkelke da fostoj. La planko estas ligna kaj ankau la muro estas ligna. La flanka chambro estas 2-3-etagha. La palafita chambro havas balkonon antaue kaj koridorojn ambauflanke. La balustradoj de la balkono kaj koridoroj estas faritaj el ligno, kaj bonhavaj familioj gravuras la balustradojn je drako kaj fenikso. Ankau la pordo kaj fenestro estas delikate gravuritaj. La anguloj de la tegmento de la balkono direktighas supren kaj la ekstremoj de la chevronoj estas kovritaj per longa ligna latiso. Palafitoj reprezentas la arkitekturon kaj gravuran arton de la nacio.